Prania e Hyjit

Jezusi pret që të hyjë në zemrën time, në heshtje dhe i papashëm.

Ai vjen me dashuri dhe pushtet të pamasë.

Të më përshkojë gëzimi pse jam në afërsinë e tij.

Liria

Në realizimin e lirisë së brendshme më së shpeshti më bllokon prirja ime që të lejoj të robërohem me frikësime dhe pritshmëri çfarë do të nevojitesha apo duhesha të isha.

Reagimet e mia të zakonshme më pengojnë që t`i kërkoj fusha të ndryshme të zhvillimit dhe pjekurisë sime.

Do të lus për ndjenjën më të madhe të lirisë së brendshme

dhe të mund të arrij diçka të re prej asaj çfarë Hyji kërkon nga unë.

Ndërgjegjësimi

Në praninë e Krijuesit që më do,

i vështroj me sinqeritet përjetimet e ditës së kaluar,

majat, fundet dhe atë mesataren e përditshme.

A mund ta vërej ku ka qenë Hyji i pranishëm në të gjitha këto?

Fjala

Lk 10,1-9

¹ Pastaj Zotëria i zgjodhi edhe shtatëdhjetë [e dy] nxënës të tjerë dhe i dërgoi nga dy [e dy] përpara vetes në çdo qytet dhe vend, ku mendonte të shkonte. ² U thoshte:

“Të korrat janë të mëdha e punëtorë janë pak! Luteni të zotin e të korrave të çojë punëtorë në të korrat e veta. ³ Shkoni! Ja, po ju dërgoj porsi qengja mes ujqish! ⁴ Mos merrni me vete as qese, as strajcë, as sandalet e mos përshëndetni udhës askënd! ⁵ Në cilëndo shtëpi të hyni, më parë thoni: ‘Paqja me këtë shtëpi!’ ⁶ Po qe se është aty ndokush mik i paqes, mbi të do të zbresë paqja juaj; po qe se s’është asnjë, do të kthehet te ju. ⁷ Rrini në atë shtëpi! Hani e pini çka t’u ketë qëlluar; sepse punëtori ka tagër në rrogën e vet. Mos kaloni prej një shtëpie në një tjetër!

⁸ Në çdo qytet që të hyni e t’ju pranojnë, hani çka t’ju vënë përpara. ⁹ Shëroni të sëmurët që janë në të e thuajini popullit: ‘U afrua Mbretëria e Hyjit!’

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Fara e fesë që e kanë mbjellë në Ballkan apostujt Cirili dhe Metodi, përkundër kushteve që mbretërojnë në Evropë ku madje edhe përmendja e Zotit synohet të hiqet, ngadalë por në mënyrë të sigurt është duke u rritur.

·                    Jezusi i paralajmëron të korrat. Të korra do të ketë pa marrë para sysh sasinë; në fund do të ndahen llojet e farës që vlen dhe asaj të pavlefshme.

Do të lus Zotin që të ma japë një besim të fortë, mençurinë dhe urtësinë në mënyrë që në jetën e përditshme të jap frytet e denja për Mbretërinë e Hyjit.

Biseda

A jam duke i vërejtur reagimet e mia kur lus pranë Fjalës së Hyjit?

A është ajo për mua sfidë, ngushëllim apo nuk më pëlqen?

Ndërsa e paramendoj Jezusin se si rri ulur apo qëndron pranë meje,

me besim, si mikut më të mirë, i flas për ndjenjat e mia.

Përfundimi

Të falënderoj, o Zot, që munda t`i kaloj këto momente vetëm me ty.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Prania e Hyjit

O Zot, më ndihmo që tërësisht të gjallërohem në praninë tënde.

Më përshko me dashurinë tënde.

Zemra ime u bëftë një me tënden.

Liria

Hyji nuk është mish i huaj në trupin tim.

Përkundrazi, Shpirti i tij i jep jetë dëshirave të mia më të thella,

Duke më nxituar butësisht në atë çfarë është e mirë.

Lus për hirin e shenjtë që t`i lejoj Shpirtit që të më mbushë.

Ndërgjegjësimi

E di se Hyji më do pa kusht.

Për këtë arsye sinqerisht e vështroj ditën e kaluar, ndodhitë dhe përjetimet.

A ekziston diçka për se do të duhej të isha mirënjohës? Atëherë do të falënderohem.

Diçka për se ndjehem fajtor? Atëherë do të lus për falje.

Fjala

Hyji i flet secilit prej nesh personalisht.

Duhet të dëgjoj në mënyrë që të dëgjoj çfarë dëshiron të më thotë.

Do ta lexoj tekstin disa herë, pastaj do të dëgjoj...

Lk 10,1-12.17-20

Ja, po ju dërgoj porsi qengja mes ujqish! ⁴ Mos merrni me vete as qese, as strajcë, as sandalet e mos përshëndetni udhës askënd! ⁵ Në cilëndo shtëpi të hyni, më parë thoni: ‘Paqja me këtë shtëpi!’ ⁶ Po qe se është aty ndokush mik i paqes, mbi të do të zbresë paqja juaj; po qe se s’është asnjë, do të kthehet te ju.

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Jezusi i dërgon nxënësit e vet pa mjete: njëherë do të shkojnë te njerëzit që janë më së afërmi. Misioni im i parë ndërlidhet me ata që janë rreth meje, që t`u ndihmoj që ta kuptojnë që Mbretëria e Hyjit është afër.

·                    Asgjë nuk më kushton nëse të tjerëve ua dëshiroj të mirën. Do të lus për paqe, mirësi dhe bekim për të gjithë njerëzit që mund t`i kujtoj.

·                    Jam i dërguar si qengj midis ujqërish. Nganjëherë më shumë më përshtatet që të akomodohem dhe të ndjehem komod. Do të lus që të mësohem të vlerësoj dhe të dalloj që me atë rast të mbetem i gjallë!

Biseda

Cilat ndjenja janë duke u zgjuar në mua

ndërsa lus dhe meditoj Fjalën e Hyjit.

E paramendoj Jezusin se si qëndron apo rri ulur pranë meje

dhe ia hapë zemrën time.

Përfundimi

Të falënderoj, o Zot, që munda t`i kaloj këto pak minuta vetëm me ty.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Jezusi nxit t`i afrohen të gjithë ata që janë të lodhur dhe të ngarkuar. Shprehja “zona e sigurtë” përdoret për të treguar gjendjen kur ndjehemi, se jetën e kemi nën kontroll dhe që gjithçka është në rregull.

Jezusi i thërret të gjithë ata që nuk janë në një zonë të tillë, të gjithë ata që janë të ngarkuar me brenga dhe pasiguri. Edhe unë shpesh herë jam i/e brengosur, o Zot, dhe e ndjej ngarkesën e rëndë në shpinën time. Kur i shikoj disa të krishterë duken të relaksuar dhe ndjehen të pangarkuar në shoqërinë tënde. Të tjerët duken të shtangur dhe vazhdimisht në njëfarë lëvizje turravrap dhe nuk është lehtë të jesh në afërsinë e tyre.

Nëse në lutje ndjehem i ngarkuar diçka nuk është në rregull. Ti je prani e butë dhe e mëshirshme. Nëse shpirti im është i çlodhur është shenjë e pranisë sate.

Prania e Hyjit

Për të hyrë në praninë e dikujt nevojitet që me sinqeritet t`i afrohem ashtu siç jam.

Në këtë moment, Hyji është këtu dhe më pret.

Hyji gjithmonë më afrohet i pari, dëshiron të më njohë më shumë se miku im më i mirë.

Do të ndalem një moment dhe do ta përshëndes Hyjin që më do.

Liria

Lus Hyjin që të më ndihmojë

që të lirohem nga të gjitha ankthet dhe brengosjet,

që t`i hapem gjatë kësaj kohe të lutjes,

në mënyrë që ta dua edhe më shumë dhe t`i shërbej.

Ndërgjegjësimi

Vetëdijesohem se jam në praninë e Hyjit.

Do të kërkoj strehim në zemrën e tij që më do.

Ai është fuqia ime në momentet e dobësisë,

ngushëllues në momentet e hidhërimit.

Gjn 20, 24-29

²⁴ Porse Toma, njëri prej të Dymbëdhjetëve ‑ ai që quhet Binjak ‑ nuk ndodhi me ta kur erdhi Jezusi. ²⁵ I thanë, pra, nxënësit e tjerë:

“E pamë Zotërinë!”

Toma u përgjigj:

“Pa e parë në duart e tij vritiën e gozhdave e pa e vënë gishtin tim në vendin e gozhdave; pa e shtirë vënë dorën time në kraharorin e tij, kurrë nuk besoj.”

²⁶ Pas tetë ditësh nxënësit e tij ishin prapë brenda në shtëpi e me ta ishte edhe Toma. Megjithëse dyert ishin të mbyllura, erdhi Jezusi, zuri vend mes tyre dhe u tha: “Paqja me ju!” ²⁷ Pastaj i tha Tomës:

“Shtjere gishtin tënd këtu dhe ja, shihi duart e mia! Ma jep dorën tënde e shtjere në kraharorin tim dhe mos ji njeri që s’beson, por besimtar!”

²⁸ Toma iu përgjigj:

“Zotëria im dhe Hyji im!”

²⁹ Jezusi i tha:

“Pse po më sheh, po beson.

Lum ata që nuk panë e besojnë!”

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Shohim që Toma nuk u ka besuar vëllezërve dhe motrave. Për shkak të kokëfortësisë së tij ka refuzuar ta pranojë fjalën e tij duke dëshiruar vetë të bindet dhe të sjell një përfundim të vetin. Nëse dëshiroj të jem i krishterë jam i thirrur të jem pjesë edhe e të tjerëve – nëse dëshiroj të rritem në fe ndaj Zotit atëherë duhet rritur edhe në besim ndaj njerëzve.

·                    Ende nuk shoh dhe nuk besoj. Jezusi flet edhe për mua në këtë ungjill dhe më bekon.

Biseda

Nuk po më vijnë lehtë fjalët, o Zot.

Këqyr në zemrën time dhe shih se shumë e dëshiroj paqen.

Më ruaj, o Zot. E di se gjithmonë je afër meje.

Përfundimi

Të falënderoj, o Zot, për çdo nxitje që ma ke dhuruar gjatë kësaj kohe sa luta mbi tekstin e Shkrimit Shenjt.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Prania e Hyjit

Jezusi pret që të hyjë në zemrën time, në heshtje dhe i papashëm.

Ai vjen me dashuri dhe pushtet të pamasë.

Të më përshkojë gëzimi pse jam në afërsinë e tij.

Liria

Shumë vende në këtë moment janë duke e kaluar agoninë e luftës.

E përkuli kryet në shenjë mirënjohjeje për lirinë personale

dhe lus për të gjithë të burgosurit dhe të robëruarit.

Ndërgjegjësimi

Si jam duke e ndjerë veten përnjëmend? I pa brengosur? I trishtuar?

Ndoshta jam i qetë, i lumtur pse ekzistoj.

Por ndoshta i frustruar, i brengosur apo i zemëruar.

E pranoj atë çfarë ndjej përnjëmend.

Sepse Hyji më do pikërisht të tillë siç jam përnjëmend.

Fjala

Hyji i flet secilit prej nesh personalisht.

Duhet të dëgjoj në mënyrë që të dëgjoj çfarë dëshiron të më thotë.

Do ta lexoj tekstin disa herë, pastaj do të dëgjoj...

Mt 9, 9-13

⁹ Jezusi, si shkoi prej andej, pa një njeri që quhej Maté, ndenjur në doganë. Jezusi i tha: “Eja pas meje!” Ai u ngrit dhe shkoi pas tij.

¹⁰ Dhe, kur më vonë, Jezusi u ul në tryezë në shtëpi, ja se ia behën shumë tagrambledhës e mëkatarë e u ulën në tryezë bashkë me Jezusin e me nxënësit e tij. ¹¹ Farisenjtë kur e panë këtë, i pyetën nxënësit e tij:

“Pse mësuesi juaj ha bukë me tagrambledhës e me mëkatarë?”

¹² Jezusi, kur i dëgjoi, u përgjigj:

“Mjeku nuk u duhet të shëndoshëve, por të sëmurëve! ¹³ Shkoni e mësoni çka do të thotë: ‘Më pëlqen mëshira e jo flia!’ Sepse unë nuk erdha të ftoj të drejtët, por mëkatarët.”

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Farisenjtë ia kanë bërë një pyetje nxënësve, mirëpo ata, si duket, nuk janë përgjigjur. Jezusi është ai që përgjigjet.

Do të mendohem se a janë përgjigjet e mia shumë të shpejta dhe lehtë të dhëna. Ndoshta do të ishte mirë që njëherë të kthehem kah Jeusi sesa gjithmonë të them çka mendoj.

·                    I vetëdijshëm për të qenit tim mëkatar dhe dobësisë time ndoshta do të mund të ndjehesha i padenjë për hirin e Zotit. Vetëm kur të jem i vetëdijshëm se jam mëkatar mund të jem me Jezusin. Zoti shikon në mua me dashuri, jo për shkak se e pranoj veten mëkatar por për shkak se kam nevojë.

Biseda

Jezus, po më flet në tekstin e Shkrimit Shenjt.

Bëj që t`i përgjigjem thirrjes tënde të sotshme.

Më mëso që ta njoh dorën tënde në vepër në jetën time të përditshme.

Përfundimi

Të falënderoj, o Zot, për çdo nxitje që ma ke dhënë gjatë kësaj kohe të lutjes mbi tekstin e Shkrimit Shenjt.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Prania e Hyjit

Do të ndalem e mendohem për praninë e fshehur të Hyjit në sende: në elemente duke bërë që ato të ekzistojnë;
në bimë duke u dhuruar jetën; në kafshë duke bërë që të ndjejnë;
dhe më në fund në mua, sepse m`i jep të gjitha këto dhe më shumë,
më bën tempull, vendbanim të Shpirtit të Shenjtë.

Liria

Zoti e njeh lirinë time, ajo për të nuk është e huaj.

Shpirti i Zotit është ai që u jep jetë dëshirave më të thella të zemrës sime,

që më udhëheq në mënyrën pa rënë në sy drejt të gjitha të mirave.

Lus për hirin e shenjtë që të lejoj të çlirohem nëpërmjet Shpirtit të Zotit.

Ndërgjegjësimi

Duke ditur që Hyji më do pa kushte,

mund t`i lejoj vetes të jem i sinqertë ndaj asaj çfarë jam.

Si është duke më kaluar dita? Si po e ndjej veten tani?

Fjala

Fjala e Zotit na vjen nëpërmjet Shkrimit Shenjt.

Shpirti Shenjt e ndriçoftë mendjen dhe zemrën time që t`i përgjigjem porosisë së ungjillit:

Që t`i dua të afërmit e mi si vetveten dhe që të kujdesem për vëllezërit dhe motrat në Krishtin.

Mt 9,1-8

¹ Jezusi hipi në barkë, kaloi në anën tjetër dhe shkoi në qytetin e vet. ² Dhe ja, ia sollën para një të paralizuar, të shtrirë në vig. Jezusi, kur e pa fenë e tyre, i tha të paralizuarit: “Guxim, biro! Të janë falur mëkatet!”

³ Dhe ja, disa prej skribëve menduan me vete:

“Ky po blasfemon!”

⁴ Jezusi, duke i ditur mendimet e tyre, tha:

“Pse mendoni keq në zemrat tuaja? ⁵ Çka është më lehtë të thuhet: ‘Të janë falur mëkatet’ apo të thuhet: ‘Ngrihu e ec!?’ ⁶ ‘Por që ta dini se Biri i njeriut ka pushtet të falë mëkatet mbi tokë ‑ i tha atëherë të paralizuarit ‑ Çohu në këmbë, merre vigun tënd dhe shko në shtëpinë tënde!”

⁷ I paralizuari u ngrit e shkoi në shtëpi të vet.

⁸ Kur pa turma, e kapi frika e i dha lavd Hyjit që u dha njerëzve pushtet kaq të madh.

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·        Banorët e qytetit të Jezusit shumë shpejtë gjykonin dhe ishin të zellshëm në mbrojtjen e principeve fetare. E kishin humbur nga shikimi përfytyrimin e gjerë që Jezusi kishte: dëshironte ta ripërtërijë shëndetin dhe tërësinë e qenies.

·        Jezusi shumë dëshiron që edhe unë të jetoj i lirë dhe në plotësi. Në këtë kohë të uratës do të lus për lirinë nga gjithë ajo që më lidh, që më bën të varur dhe do t`ia sjell para Zotit dëshirën time të madhe për tërësinë.

Biseda

O Zot, e di që fjalët nuk janë të nevojshme kur të drejtohem ty.

Ti shikon në thellësinë e zemrës sime.

I njeh dëshirat dhe nevojat e mia.

Po lëshohem në duart e tua.

Përfundimi

Të falënderoj, o Zot, që munda t`i kaloj këto disa minuta vetëm me ty.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Prania e Hyjit

Ajo që është pranë meje është diçka që do të më formojë dhe udhëheq.

Mendohem për praninë e Zotit: në mua, ai është gjithmonë këtu, gjithmonë me dashuri,

në mesin e shumë ndikimeve që më rrethojnë dhe prekin.

Ndalem dhe lus që Zoti

të më formojë dhe udhëheq, tani në këtë moment.

Liria

”Jam i lirë”.

Kur i shikoj këto fjalë të shkruara, më duket se krijojnë në mua një ndjenjë admirimi.

Po, ndjenja e çuditshme e lirisë.

Faleminderit, o Zot.

Ndërgjegjësimi

Më ndihmo o Zot që të bëhem edhe më i vetëdijshëm për praninë tënde.

Më mëso se si të të dalloj në të tjerët.

Ma mbush zemrën me falënderim për të gjitha ato momente

kur nëpërmjet njerëzve të tjerë e ke treguar kujdesin ndaj meje.

Fjala

Fjala e Zotit na vjen nëpërmjet Shkrimit Shenjt.

Shpirti Shenjt e ndriçoftë mendjen dhe zemrën time që t`i përgjigjem porosisë së ungjillit:

Që t`i dua të afërmit e mi si vetveten dhe që të kujdesem për vëllezërit dhe motrat në Krishtin.

Am 5,14-15.21-24

¹⁴ Kërkoni të mirën e jo të keqen

që të jetoni,

kështu që me ju të jetë, siç thoni,

Zoti, Hyji i Ushtrive.

¹⁵ Urrejeni të keqen, duani të mirën

e rikthejeni në gjykatore të drejtën,

ndoshta Zoti, Hyji i Ushtrive,

do të ketë dhimbje për tepricë të Jozefit.

²¹ “I urrej, i përbuz festimet tuaja,

nuk u kënaqem të kremteve tuaja!

²² Po dhe në më kushtofshi fli shkrumbimi,

kushtimoret tuaja s’i pranoj,

as që i shikon

flitë e majme për pajtim.

²³ Ma largoni zhurmën e këngëve tuaja,

s’dua ta ndiej zërin e lyrave tuaja!

²⁴ Më mirë të rrjedhë si uji e drejta,

si lumi që s’shter drejtësia.

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Dyert e qytetit paraqesin vendin e pushtetit, vendin ku takohen i zoti i shtëpisë dhe i huaji.

Lutja ime mund të jetë personale, mirëpo kurrë nuk është krejt private. Gjithmonë do të ketë efekt në mënyrën sesi jetoj me të tjerët, sesi sillem në jetën publike.

·                    Do të lus për të mirën personale dhe të mirën e atyre me të cilët jetoj; që të më tërheq ajo çka është e mirë dhe t`i largohem së keqes.

Biseda

Fjalët nuk po më vijnë lehtë, o Zot.

Shiko në zemrën time dhe shih se sa shumë e dëshiroj paqen.

Më ruaj, o Zot. E di që gjithmonë je pranë meje.

Përfundimi

Të falënderoj, o Zot, që munda t`i kaloj këto momente vetëm me ty.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Prania e Hyjit

Ajo çka mundohem të bëj këtu është që kohën ta lë më një anë

dhe të përqendrohem në jetën time, atë fizike – në kohë, dhe atë shpirtërore.

Mundohem ta paramendoj Jezusin si është ulur pranë meje

dhe bisedoj me të mbi të gjitha çfarë është duke më ndodhur në jetë.

Mundohem ta marr vesh që në mundësi të panumërta

Jezusi hyn në rrethanat e përditshme të jetës sime.

E pra, jeta kalon shpejt dhe shumë gjëra ndodhin.

Ngarkimi dhe obligime të ndryshme shpesh herë e shmangin këtë vetëdije mbi praninë e Hyjit në jetën time të përditshme. Jam i vetëdijshëm për këtë, dhe dëshiroj të bëjë diçka.

Sa për tash, provoj të qëndroj i qetë dhe i hapur ndaj asaj çfarë prania e Tij dëshiron të më thotë.

Liria

Po të donte Hyji për të më thënë diçka, a do të kisha mundur ta dëgjoj?

Po të kishte dashur për të më dhënë zemër dhe për të më sfiduar, a do të kisha mundur këtë ta vërej?

Lus për hirin e shenjtë të çlirimit nga brengosjet personale

dhe çiltërisë ndaj asaj çfarë Hyji dëshiron të më njoftojë.

Ndërgjegjësimi

Në praninë e Hyjit që më do

i vështroj të gjitha çfarë më ka ndodhur ditën e kaluar,

që nga momenti i tashëm e nga prapa, hap për pah.

I përkujtoj të gjitha çfarë ka qenë e mirë dhe e bukur, dhe falënderoj për këtë.

I vërej edhe hijet/dështimet dhe e pyes veten çfarë po më tregojnë ato; lus për shërim, guxim, falje.

Fjala

O Zot, je bërë njeri për të biseduar me mua;

ke ecur dhe punuar në këtë tokë; ke pësuar të nxehtët dhe të ftohtët.

Koha që e ke kaluar në tokë ka qenë e plotësuar me kujdesin për njerëz.

Ke shëruar të sëmurë, ke ringjallur të vdekur; dhe ajo më e rëndësishmja – më ke shpëtuar nga vdekja.

Mt 16, 13-19

¹³ “Kur Jezusi arriti në krahinën e Cezaresë së Filipit, i pyeti nxënësit e vet:

“Ç’thonë njerëzit, kush është Biri i njeriut?”

¹⁴ Ata u përgjigjën:

“Disa thonë se është Gjon Pagëzuesi; disa të tjerë Elia; do të tjerë Jeremia ose një ndër profetët.”

¹⁵ “Po ju ‑ u tha atyre ‑ ç’thoni: kush jam unë?”

¹⁶ Iu përgjigj Simon Pjetri:

“Ti je Mesia ‑ Biri i Hyjit të gjallë!”

¹⁷ Atëherë Jezusi i tha:

“I lumi ti, o Simon, biri i Jonës, sepse këtë nuk ta zbuloi mishi e gjaku, por Ati im që është në qiell! ¹⁸ Edhe unë po të them: Ti je Pjetër‑Shkëmb dhe mbi këtë shkëmb unë do ta ndërtoj Kishën time dhe dyert e ferrit s’do të ngadhënjejnë kundër saj!

¹⁹ Ty do të t’i jap çelësat e Mbretërisë së qiellit: gjithçka të lidhësh mbi tokë, do të jetë e lidhur edhe në qiell e gjithçka të zgjidhësh mbi tokë, do të jetë e zgjidhur edhe në qiell.”

Ç`dëshiron të më thuash, Zotëri?

Disa mendime mbi pasazhin e sotshëm të Shkrimit shenjtë:

·                    Do të kujdesem që asgjë mos ta pengojë bisedën time me Zotin. Kurrfarë libri shpirtëror, as pikat për frymëzim nuk mund t`i përgjigjen pyetjes që ma bën Jezusi: “Po ti ç`thua kush jam unë (për ty)?” Përgjigjen duhet ta jap vetë.

·                    Në pyetjen kush është Zoti për ty do të përgjigjem me jetën time; të tjerët shohin çfarë flas dhe bëj. Do të lus që besimi im në Zotin të jetë i dukshëm në fjalët dhe veprat e mia.

Biseda

E filloj bisedën me Jezusin mbi tekstin e Shkrimit të shenjtë të cilin pikërisht e lexova.

Çfarë më ka nxitur më së shumti në reflektim?

Ndoshta nëpër këtë rresht të tekstit në sipërfaqen e vetëdijes sime

ngadalë dalin nga kujtesa fjalët e mikut, apo ndonjë rrëfim që e kam dëgjuar para pak ditësh.

Nëse është ashtu, a e ndriçon tregimi atë çfarë teksti i Shkrimit të shenjtë tenton të më thotë.

Përfundimi

Të falënderoj, o Zot, që munda t`i kaloj këto momente vetëm me ty.

Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.